dia mundial da loita contra a SIDA ONU matronas galegas AGAM 2022 web

Día mundial da loita contra a SIDA 2022: Igualdade xa!

As matronas galegas unímonos hoxe á campaña da ONU para celebrar o día mundial da loita contra a SIDA.

Igualdade xa! é o lema deste ano

O lema elixido este ano é “Igualdade xa”. Con él ínstase a todos e cada un de nós a abordar as desigualdades que están a frear o progreso para poñer fin á SIDA.

O ano 2030 marcouse como meta para por fin ao SIDA como ameaza para a saúde mundial, por iso este ano recalcan dende a ONU a importancia de acabar coas desigualdades que o perpetúan, como a falta de acceso ás probas e aos tratamentos por parte da población ou de educación sexual de calidade, así como a discriminación que seguen tendo as personas que viven co VIH.

VIH e maternidade

O VIH non é unha contraindicación para a maternidade. Coa medicación adecuada e coa axuda dun equipo multidisciplinar -do que a matrona forma parte- podemos evitar a transmisión vertical ás crianzas no embarazo e o parto.

As matronas temos a oportunidade de desenvolver a nosa labor tamen dende a educación para a saúde. Por iso aproveitamos para recordar que o único método anticonceptivo eficaz é o preservativo; e que a educación sexual nas aulas é fundamental.

Prevención, tratamento e seguemento para unha vida con boa saúde

O correcto tratamento pode facer que a carga vírica sexa indetectable e disminuir ou incluso facer que desaparezca o risco de transmisión.

Co tratamento e seguemento adecuados, podemos evitar chegar á fase de SIDA e vivir unha vida con boa saúde para o que é conveniente acudir á túa matrona. Así, no caso de pertenecer a este grupo de risco, realizarase unha citoloxía anualmente e ademáis, ponse a disposición das usuarias a vacina do virus do papiloma humano, recomendada polo programa de prevención do SERGAS.

Recursos

 

As matronas estamos ao carón das mulleres, desde a adolescencia ata a menopausia. #matronasemulleresunhavidaxuntas