22 Mai Despedida da XXX promoción de matronas en Galicia

O pasado venres 16 de maio, a Asociación Galega de Matronas (AGAM) participou nunha emotiva cerimonia de despedida da XXX promoción de matronas en Galicia.

O acto, cargado de simbolismo e emoción, reuniu a familiares, profesionais sanitarios e representantes institucionais para celebrar a fin da etapa formativa dun grupo moi especial de futuras matronas.

Nesta ocasión, foron 18 as residentes que completaron con éxito a súa formación, sumándose así á comunidade profesional que traballa cada día en defensa da saúde sexual e reprodutiva das mulleres galegas. Ao longo do acto, puxéronse en valor o seu esforzo, compromiso e vocación.

Como en anos anteriores, a AGAM fixo entrega dun agasallo moi especial: os primeiros seis meses de pertenza á asociación de forma gratuíta. Este xesto simbólico representa o apoio da comunidade profesional ás novas matronas no seu inicio laboral.

Desde a AGAM, queremos felicitar ás novas matronas da XXX promoción e desexarlles un futuro profesional pleno, con ilusión e co compromiso firme de seguir avanzando xuntas polo ben da nosa profesión e da saúde sexual e resprodutiva das mulleres ás que acompañamos.