Acadado o aumento de prazas eir de matrona en galicia AGAM matronas galegas 2023

Acadado o aumento a 20 prazas EIR de matrona en Galicia!!!

Ás 18 prazas actuais sumaranse 2 prazas (xa acreditadas para Galicia) que se farán efectivas a partir do curso 2024/2025.

A AGAM leva tempo loitando e reclamando as prazas EIR que nos corresponden en Galicia. Tras varias reunións co ACIS e a unidade docente, por fin podemos anunciar que a partir do vindeiro curso 2024-2025, contaremos con 2 prazas para que se formen na nosa comunidade autónoma un total de 20 matronas por promoción (ata agora só tiñan acceso á especialidade un total de 18 residentes). Estas novas dúas prazas xa estaban acreditadas, e por diversos motivos, non se ofertaban ata agora.

Agardamos que este sexa o principio dun aumento nas prazas de formación para ter matronas suficientes nos vindeiros anos, ante o grave problema de relevo xeracional que está a vivir a nosa profesión.